tower of sunrays

A one moment
After long long lightness years,
I forgot all about of light.
Rays which show the way.

At last
I Realize
the only thing I need is
All I need is
the dark
alone
cold tower.

සමහරවිට

සමහරවිට
අහසේ තරු පායාවි
සමහරවිට
නොපායාවි..

සමහරවිට
හිම වැටෙයි කියා ආයෙම
නොහිතුවත්
ගිම්හානයේ මැදක වුනත්..
නොදන්වා රැයක වැටි හිම
කටුතුඩු වගේ උදෑසන නිරුවත් පතුල් රිදවාවි..


සමහරවිට
මගේ මිදුලෙත් රන්පාට සිව්පත් මල් ඇහැරේවි..
ඒත්..
ඔබ නැතිව..
රතු දෙව්දුරු අරටුද දෙදරාවි.

දෙව්දුරු අකුණු

අලුත් ඉර එළියේ පරණ අතීතයේ සුවදක් ලාවට කැවතිලා තියෙනවා.
පිනි අහුරුවලින් අදුරේ නැහැවුනු ගස් අගිසිවලින් රන්පාට විසිරෙනවා.

සුදෝ සුදු සේද සලු අහසේ නොපේන කොහේ හෝ හොයාගන්න බැරි තැනක හැංගිලා.
ආලෝකයෙන් ලස්සනම ආලෝකය
කණාමැදිරි එළියද
රෑ නිල්පාට අදුර අතරින් ඇහිපිල්ලම් ගහන විදුලි සරද

ඔබ දන්නවද

ඔබ දන්නවද ම‍ගේ සිත ගැන.
අඩුම තරමින් මා ගැන.

ආ‍ලෝක වසර ගණනක් පරණ තරු එළිය.ඒත් හරි අලුත් වා‍ගේ දැ‍නෙන.

මා ඔ‍‍බේ සමතල ග්‍රහ‍‍ලොවට යටින් ඇති ‍නො‍පෙ‍නෙනා ධුවිලි ‍කේතුවක්
ඔබ දන්නවද මා ගැන.
ඔබ දන්නවද ම‍ගේ සිත ගැන.

මා ආද‍රේ බව ඔබට
ඔබ කවදාවත්ම දන්නවද

ගස්

ඔබ දුකින් යැයි මට සිතෙනවා

මා දුකින් යැයි ඔබ සිතනවා..

පෙනනෙ නොපෙනෙන දුරක ඔබ ඉන්නවා

දැනෙන නොදැනෙන ලෙසය සුළගක් හමනවා..

ඔබ වසන්තය අරන් ඒ යැයි මා බලා ඉන්නවා.

මල් පිපෙන්නට ඔබ බලා ඉන්නවා..

හිත මිතුරු එකම සුදු සුළගක්

සේලයක්වී අප ගැටගසනවා...

නිල් පාට අහසේ 

තවමත්

දිස්නය

ගලනවා

පෙගුනු රෝසමල්

පාන්දරට පොද වැහි වැටෙනවා ඇහෙනවා
පොරෝනයට තතව ටිකක් තුරුල් වෙලා .ඇහැරිල්ල පමා කරගන්නවා.
ටිකකින් ළා ඉර එළිය රැ වැහි පොද යන්තමින් තවනවා.

දම්පාට වලාවක් එකපාරට ඉහළින් මැවෙනවා. ආයේත්...සිරි සිරියට වැහි පොද වැටෙනවා.

දවස පුරා කඩින් කඩ එළිය වැටෙනවා.
අදුර වැටෙනවා.
පොද වැටෙනවා.
වැහි වැටෙනවා.

අට පෙති මල් නැමිලා බිම බලාගන වැහි ගීත අහනවා.
තෙත බරිත රෝසමල් වැහි දරාගෙන ඉන්නවා.

නිවුන්නු - twin

“මගේ ලස්සන මුහුණ ඔබට පෙන්නන්නද,දෙන්නද??“

කවුළු වල ළා ඉර එළිය තැවරෙද්දි, ඇස් අරින්නැතිව, අද මොනවද කරන්නේ කියා හිතමින් ඉන්න කො ඔබෙන් අහන්නට හිතුණා.

ඉ ර පෑවුවා.මං පින්තූර ඇල්බමය පෙරලුවා.

තුෂාරයෙන් මිදෙන ඉර එළියට මෙහායින්, හිම දියවෙන ශිඛර පාමුල,පාන්දර සීතල ට ගැහෙන විල් ඈත ඈත විල් තෙරේ, අත් බැදන් ඉන්න මේක යවනවද...පැන්සල් කූරු කකුලුත් එක්ක..

නැතිනම්,

කහ පාට තරු මල් පිපුණු තණ බෑවුමේ පෙරලී ඉන්න මේක..???

ඒ අතර,
 අපි “දෙන්නාම එක වාගේ“ලු ,ඔබ කියනවා.

මං ඈ දිහා බලනවා.
කැඩපතකින් මං දිහා බලනවා වගෙ මට දැනෙනවා.
පෙනුමින්, හිනාවෙන්, බැල්මෙන්,ඉගියෙන්,ඉරියව්වෙන් අපි එකවගෙයි.
පෙනෙනෙ -දේ මෙන්ම නොපෙනෙන දෙයිනුත්.
 ඒත්,
ඇය  සමඋෂ්ණ කදු මුදුනක පැලවෙද්දි
මා පැලවෙන්නේ කාන්තාරයක..
නැතිනම්, වෙනසක් නැතිම වෙයි.
අපි එකම අත්තක පිපුණානම් කියා මට හිතෙනවා.

ඒත්, කියන්න ...
ඔබට මා ඇය වගේද??
නැතිනම් ,
ඇය මං වගේද???

රතු පාට වැහි

සීතල හවස්වරුවල
හිම මිදෙයි කදු  වල
ගලා ගිය දියපහරවල
දිය නොගලයි ඉතින් තව...

එකිනෙක එතී උස යන
කුඩා මිටි වැල්වල
පොළොවට ගෙඩි ඉදේ
වැල් වලට නොමදැන....

රතු පැහැ වැහි වැටෙයි
සරත් සමයක හුරු ලෙස

මිහිදුම

මට දැනේ මගෙ දෙයක්
කවුරු හෝ හොරාගෙන .....
නිදා සිටි විටක නොව
ඇහැරිලා හිටි විටක....

පාලු කලුවරක නොව
මහ සෙනග ඇති තැනෙක
සොරාගත් දෙය සොයමි
එය කුමක්දැයි නොදැන...

confused

ඔබ මිහිරි සිහිනයකි
සරත් කල සර සරය ඇති
ලාකල රන් පැහැය ඇති.
පියාපත් පිරි යහනකි.

වියළි සෙවණක් මම -I dry shelter

ළදලු තණ බිම් අතර සීතල
මා උස් පරඩැල් ගසකි වියළි
බැටලුවනි තණ බුදින
වෙහෙස විට එන්න
මා සතුව ඇත තවමත්
ගිම් නිවන්නට සෙවණ බිදුවක්..
ළ

My heart cries for your love-ඔබේ ආදරය වෙනුවෙන් මගේ හදවත වැළපෙයි

ගගක් නම් ගැලිය යුතුමය
විලක් හෝ ළග නතර විය යුතුවෙය
නොවන්නේ නම් එය
මිහිදන්ව නිහඩ යුත විය

ඔබේ ආදරය වෙනුවෙන් මගේ හදවත වැළපෙයි
මට අහිමි දෑ වෙනුවෙන් මගේ හදවත ළතැවෙයි

clay hut heart- මගේ හදවත පැලකි.

රිදී නුලක් අදිමින් ඇස් කොනින්..
මාවතක් එලුවෙමි ඔබට එන්නට...
වනසපුන් මග හරස්වනු ඇතියෙන්
කෙත්වතු ඇතිරුවෙම් ඒ අසබඩින්
අමතක වීය මට මල් තියන්නට
මැවුවත් සෙවණ දෙන්නට ගස් අතරින් පතර


නවාතැන් දෙන වෙනත් මන්දිර තිබෙන බව මග
අමතක වීය මට
මගෙ පැළට මෙපිටින්!!

නිහඩ සදු -The silent moon

කඩා වැටෙනැති කදු
හිම දියවී ගලයි ගිනි කදු
පතුලක ගුලිව නිදියයි මුහුදු
සුසුමක් නැතිව නිහඩවෙයි සඳු

මං පෙත වසා වල් වැවෙනු ඇති

මේ මග ඔබ හමුනොවනු ඇති
මේ ගමට ඔබ කිසිදින නොඑනු ඇති
මේ කදු ඔබේ ඇස් නොදකිනුද ඇති
දිගුකළ දෑත් සුළග අකුලාගනු ඇති

හුස්ම

La Chrysalidre photo

රන් සුණු අතර බොදවී යන්න
රිදී කෙදිමත වියැකෙන්න
දිලුසුමක මතක අමතක වෙන්න
සිලි සිලි හුස්ම දැන් නවතින්න..

ලුණු

දැනෙන
නොදැනෙන
හැගෙන
නොහැගෙන
ඉමක්
කුමටද
බිඳක්
වෙනු මිස..